સરદારનું ગીત - ૩૯

સરદારનું ગીત

ઘણું જીવો ઘણું જીવો, અમારા સરદાર રે;

અમારી આ લડાઈને, સફળ કરનાર રે,

સત્ય માટે ઝઝૂમીને, હકો અપાવનાર રે;

લોકોનાં દુ:ખને આજે, પોતાનાં માનનાર રે,

લીધી ટેક ન છોડીને, દૃઢતા રાખનાર રે;

લોકોને રાખવા ઊંચાં, સાચા સલાહકાર રે,

સમાજના સુધારાનો, જંગ આદરનાર રે;

ત્યાગીને સુખ પોતાનાં, લોકો સાથે થનાર રે,

કોઈની વેદના જોઈ, તમતમી જનાર રે;

મુશ્કેલીમાં પડેલાની, વહારે દોડનાર રે,

સત્યનો હર જગ્યાએ, આગ્રહ રાખનાર રે;

ગાંધીનો હર આદેશ, કબૂલ કરનાર રે,

તમે વ્હાલા તમે પ્યારા, અમારા સરદાર રે;

ને ઉલટતપાસોથી, ભેદોને ખોલનાર રે,

દેશનો ભાર લૈ માથે, સેવામાં દોડનાર રે;

અંગ્રેજોનાં બધા વચ્ચે, જૂઠાણાં ફોડનાર રે,

પ્રતિષ્ઠાની વિના આશા, કામમાં ડૂબનાર રે;

જીવનમાં વફાદારી, રાખીને ચાલનાર રે,

લોકોના દિલમાં ખૂબ, ઊંડે પહોંચનાર રે;

વસીને મનમાં સૌનાં, લાડીલા બનનાર રે,

ગાંધીજીને બધાં કામે, સહાય આપનાર રે;

કામ હોય ગમેતેવાં, ન દૂર ભાગનાર રે,

જે કામ હાથમાં લીધું, એ પાર પાડનાર રે;

કઠિન નિયમો માટે, આગ્રહ સેવનાર રે,

શાંતિથી કોયડાઓનો, ઉકેલ શોધનાર રે;

ફળદ્રુપ રહે ભેજું, મસ્તીમાં ડૂબનાર રે,

અંગ્રેજોય ગયાં ઝૂકી, કદી ન ઝૂકનાર રે;

એને ઝૂકાવનારા છે, લાડીલા સરદાર રે,

**

સારાયે દેશમાં રહ્યા, લોકોનાં મનમાં વસી;

અનેક માણસો માટે, બની રહેલ આરસી.

(ક્રમશ:)