સાથે
સાથે
નિહાળું છું હૃદયમાં હું પ્રણયની એ અસર સાથે,
છૂપાવું છું તમારી યાદ હું જીવન સફર સાથે,
વિચારોમાં સતત છો પણ હવે ચાહત બની આવો,
અમારી લાગણીને માન આપો તરબતર સાથે,
રહેશે આપણી એ પ્રીત ફૂલોથી સર્જાયેલી,
ઉમંગે જીવશું જીવન પ્રણયમાં પણ સબર સાથે,
બની દર્પણ રહીશું એકબીજાની નજરમાં પણ'
ખુશીથી જિંદગી જીવી જશું પ્રેમે કદર સાથે,
શરમથી પણ તમારી એ નજર ઝૂકી પ્રણયભાવે,
અમે પણ પ્રેમથી ઝૂકી ગયાં એ હમસફર સાથે.