જરૂર હોય છે

દરેક, સફળ પુરુષ પાછળ, 

એક સ્ત્રીનો હાથ, જરૂર હોય છે !

દરેક, નિષ્ફળ પ્રયત્ન પાછળ, 

એક અનુભવ, જરૂર હોય છે !

દરેક, સજેલી મહેફિલમાં, 

કોઈક મદહોશ, જરૂર હોય છે !

કોઈ વખતે, નશાનું કારણ, 

ભગ્નહૃદય, જરૂર હોય છે !

દરેક, પાંપણની નીચે,

વિસરાયેલો પ્રેમ, જરૂર હોય છે !

વહેતાં, આંસુનું કારણ,

પ્રેમનો વિરહ, જરૂર હોય છે !

ઘણાંયે, પારકાંઓ મહીં,

એક પોતાનું, જરૂર હોય છે !

દરેક, સંબંધની પાછળ,

ઋણાનુબંધ, જરૂર હોય છે !

દરેક, નકલી ચહેરા પાછળ,

એક અસલી ચહેરો, જરૂર હોય છે !

દરેક ચહેરાની, છૂપાવવાની કળા,

એકબીજાથી જુદી, જરૂર હોય છે !

શ્રદ્ધા અને વિશ્વાસની દુનિયામાં,

એક વિશ્વાસઘાતી, જરૂર હોય છે !

દરેક જણનું, શ્રધ્ધાનું કારણ,

પોતપોતાની માન્યતા, પ્રમાણે હોય છે !

નકલી, ચમક દમક પાછળ,

એક અસલી હીરો, જરૂર હોય છે !

દરેક હીરાની કિંમત, 

એની કાબેલિયત, પ્રમાણે હોય છે !

પ્રેમીની, દીવાનગીરી પાછળ,

પુરાણી 'ચાહત' જરૂર હોય છે !

બે પ્રેમીઓનાં જીવનમાં,

વિઘ્ન નાંખનાર કોઈ, જરૂર હોય છે !