હેલ્લારો

જાણે ઓઢણીમાં છૂપાઈને આવ્યો છે ચાંદ

એવી લાગે એ છોકરી રૂપરૂપનો અંબાર, 

સખીઓ ભેળી ગરબે ઘુમે ઢોલના તાલે

એવી લાગે જાણે મારી માવડીનો અવતાર,

હસતું એનું મુખડું અને બોલીમાં વ્હાલ

એ તો ગામ આખાની ખુશીઓની અસવાર,

પાપ પુણ્ય ના સમજે પણ ખુશીઓ પીરસે

એવી માસુમ ઉછળતી કૂદતી ગુજરાતી નાર,

ભલે આયખું આખું સૂના ભુંગામાં મરીએ

આવ્યો બે ઘડી ગરબામાં જીવવાનો વિચાર,

"વગાડશો? " આવું પૂછે એ પરદેશીને

ઢોલના તાલે રમવું છે ગરબે તાળી બે-ચાર,

છોડિયું ને જોઈ લડતી આઝાદી કાજ

મારી માવડી અંતે વરસી અનરાધાર,

આંખોના પાટીયા વાંચતી 'મંજરી' જેનું નામ 

રણની રેતથી દોર્યો એણે હેલ્લારોનો ચિતાર.