પોર્ટફોલિયો લહુલુહાણ
પોર્ટફોલિયો લહુલુહાણ
મૂંઝાય છે મારા પ્રાણ,
મારો પોર્ટફોલિયો લહુલુહાણ,
મને કરવું કાઇંક રોકાણ,
પણ જડતું નથી કોઈ રામબાણ,
શેર-માર્કેટમાં થતી ઘમાસાણ,
ક્યારે પડતી ક્યારે ચઢાણ,
ટ્રેડિંગમાં પડે મને બહુ તાણ,
કોઈ આપો ઝુનઝુનવાલાની ઓળખાણ,
જમીન-જાગીરમાં ઘણી મોકાણ,
કોણ રાખે એની દેખભાળ,
પરવડે ના દુકાન કે રહેઠાણ,
પાછા બિલ્ડર્સના નથી કોઈ પ્રમાણ,
સોના-ચાંદીમાં આવ્યો જુવાળ,
તોય નીકળી પડ્યા ઘણા લેવાલ,
કૉમોડિટીસના પ્રવાહોથી હું અજાણ,
નથી જોઈતો અધિક માસનો દુકાળ,
ફિક્સડ ડિપોઝિટના થયા હાલહવાલ,
વ્યાજ દરમાં નથી ઠેકાણ,
છ ટકામાં કોનું થાય કલ્યાણ,
ઈન્ફ્લેશન કરે પુરેપૂરો હલાલ,
જો ક્યારે દેખાય થોડાઘણા નફાના એંધાણ,
તરત આવી પહોંચે ઈનકમ-ટેક્સના જંજાળ,
કિનારે કિનારે ડૂબી રહ્યું મારું વહાણ,
અટકી ગયું આર્થિક સ્વતંત્રતાનું પ્રયાણ.