ધીરજ અને ધગસ

ધીરજ અને ધગસ, સગપણમાં બે ભાઈ,

કોણછે ચઢિયાતું, તેની લાગી છે લડાઈ.

બન્ને છે મહાન અને બન્ને છે બદનામ,

ક્યારે કોણ બળવાન, તેની અઘરી છે ઓળખાણ.

ધગસ કહ હું ગતિ અને પ્રગતિનો નિયમ,

ધીરજ કહે મારાથી સફળતા રહે કાયમ.

ધીરજ કહે તું અધીરો, તારી દૌડ આંધળી,

ધગસ કહે તું ધીમો, તારી ચાલ પાંગળી.

ધગસ કહે હું સીંચું પ્રયત્ન રૂપી જળ,

ધીરજ કહે હું પકવું વાડીમાં મીઠા ફળ.

સફળતાની લાગી પડે એવી તે રેલમછેલ,

જો મળે ધીરજ અને ધગસનો સાચો તાલમેલ.

તાલમેલ કેળવવામાં આવે ઘણી કઠિણાઈ,

સર્જમહારને વિનંતી, આપે સાચી ચતુરાઈ.