પૃથ્વીનો પોકાર

પૃથ્વી કરે છે પ્રભુને પોકાર 

માનવે સર્જયો કાળો કહેર

પર્વતો તોડી જંગલો કાપી 

પૃથ્વીને પહોચાડી ખલેલ

નદીઓ બાંધી ધરતીને ખોદી

હવામાં ફેલાવ્યું એણે ઝેર 

માનવે સર્જયો કાળો કહેર

આકાશે એણે ઉપગ્રહ છોડ્યા 

પાતાળે જઈ પરમાણુ ફોડ્યા

સ્પર્ધા કરે સૂર્ય સાથે દોડની 

ચંદ્ર પર જઈ ફેલાવશે ઝેર

માનવે સર્જયો કાળો કહેર 

ધરતીનો રસ બધો ચૂસી લીધા

પછી સમંદરને ઉધડો લીધો

પશુપક્ષી અને જીવજંતુ સાથે

વર્તે એમ જાણે ભવોભવનું વેર 

માનવે સર્જયો કાળો કહેર