રામ રાજ્ય

રાહ જોશો, કેમ આવે, કોણ લાવે રામ રાજ્ય,

સૌ બની બેઠા છે રાવણ, કેમ આવે રામ રાજ્ય,

લે બગલમાં રાખ છૂરો, નામ લેવું રામ મુખમાં,

જાય ઓળંગી બઘું, પાછો ચલાવે રામ રાજ્ય,

રામ નામે જાપ કરતો, પારકું આગવું ગણાવે,

માણસો જો સાવ કેવા, જે ભણાવે રામ રાજ્ય,

છે ભરોસો, રામ રાખે એ ભલાને કોણ ચાખે,

રામના કાર્યો કરે છે, એ બનાવે રામ રાજ્ય,

રામ છું રમતો, કહે સૌ મસ્ત રામ મને ભલેને,

મોજમાં રહે છે એ, ને સૌને હસાવે, રામ રાજ્ય,

નામ લઈને રામનું આરંભ કરવા જાય માનવ,

રામ નામે પથ્થરોને જે તરાવે, રામ રાજ્ય,

રામ બોલો ભાઈ રામ કહી "જગત" મોકલાવે,

કર્મનું બંધન છતાં મોક્ષે સિધાવે, રામ રાજ્ય.