મલકાતાં ફૂલડાં

સંસારની કેડી પર, હસતાંરમતાં ફૂલડાં 

બાળકનું મુખ દેખતાં, રાજીરાજી થઈ ગયાં,

દાક્તરની એક ભૂલથી, દુ:ખીદુ:ખી એ થયાં,

વીજળી જેવો આંચકો, એ તો અનુભવી રહ્યાં,

હકીકત સ્વીકારીને, સામે પ્રવાહે તરી રહ્યાં,

દિવ્યાંગ બાળઉછેરમાં, ખંતથી લાગી રહ્યાં,

પગભર કીધો દીકરો, અંતરથી એ મલકી રહ્યાં,

નાનકાની હરણફાળ કાજે ધ્યાન એ આપી રહ્યાં,

નાનો ભાઈ દોડી રહ્યો, મોટા ભાઈને પરણાવવા 

પ્રેમ માડી જાયાં તણો ભાળી માતતાત રાજી થયાં,

પરણાવ્યો હોંશે દીકરો, હરખાતાં એ ફૂલડાં,

દેવે દીધી દીકરી, એમ વધૂને આવકારતાં,

દેરાણીને પોંખવા જેઠાણી ઉતાવળાં થયાં,

હળીમળીને પ્રેમથી ફૂલડાં સૌ મલકી રહ્યાં.