માતા-પિતા-માવતર
માતા-પિતા-માવતર
પિતા, દૂરથી જોયું, તો સૂર્યનો ધગધગતો ગોળો,
સમીપ જોયું, તો મીણનો
પીગળતો ખોળો !
સ્વ-હસ્તિનું કરી બલિદાન,
ભેખ માતાએ લીધી'તો,
અંજલિ જેટલું કરી આચમન, ખોબલે ખોબો ભર્યો 'તો !
સંતાનોના સુખમાં,
માવતરનું સુખ સમાયું'તું,
ભાગદોડ જિંદગીમાં, બંનેનું સુખ અટવાયું'તું !
સંતાનોને કાજે, તાપ આજીવન સહ્યો'તો,
સંતાનો કાજે આજીવન,
સંબંધોનો પાક લણ્યો'તો
અગણિત બિંદુ મહાસાગરના, ઉરમાં સમાવ્યા'તા,
ઘાટઘાટનાં પી ને પાણી,
અનુભવો ધરબાવ્યા'તા !
કરવા પગભર, જીવનમંત્રમાં સમાયા'તા,
સંસારના સમયચક્રમાં અટવાયા'તા !
આવા બહુમુખી માત-પિતા, પાલનહાર હતા,
સંતાનો કાજે માવતર,
સર્જનહાર હતા !