ખબર ન પડી

"૨૨"ની સાલ આવી ને ગઈ, ખબર ન પડી,

કેટલીય યાદોની સ્મૃતિ દેતી ગઈ !

કેટલીક પળો માણી તો કેટલીક જાણી,

જીવન રંગીન કરી ગઈ,

ખબર ન પડી !

કર્યા સરવાળા સંબંધોના

ને બાદબાકી પણ કરી,

સંબંધો મજબૂત બનાવતી ગઈ, ખબર ન પડી !

મળ્યો સાથ સ્વજનો ને મિત્રોનો દુઃખમાં,

હાસ્યના ફૂવારા વેરતી ગઈ

ખબર ન પડી !

"૨૨"ની સાલમાં વીતાવી પળો સુખ દુઃખની,

ગમ ને રંજને દૂર કરતી ગઈ, ખબર ન પડી !

સમજાયું સત્ય જીવનની ક્ષણભંગુરતાનું,

મોજથી જીવવાનો મંત્ર દેતી ગઈ, ખબર ન પડી !

 જે હોય તે સત્ય,"૨૨"ની સાલ આપતી ગઈ ઉપદેશ,

"૨૩"ની સાલ બનાવજે સંગીન કહેતી ગઈ, ખબર ન પડી !