બાકી છે !

જીવન સંધ્યા એ થયું આગમન,

નથી કરવું હજી સ્વર્ગે ગમન !

હૃદયને કહો ધબકાર થંભી જાય,

હજી જીવનમાં ઘણું કરવાનું બાકી છે !

નિદ્રા ને કહો ,થોડી ક્ષણ થંભી જાય,

હજી જાગીને સપનાઓ જોવાનું બાકી છે !

મૃત્યુ ને કહો, નથી મરવાની વય હજુ,

સપનાઓ પૂરાં કરવાનાં બાકી છે !

નથી જવું મારે આ જગત છોડીને,

અધૂરાં કર્યો પૂરાં કરવાના બાકી છે !

તું ભલે મને કદાચ છેતરી લઈ જશે,

પણ નસીબ નો મને સાથ આપવાનો બાકી છે !

આપી છે આવરદાએ મને ખૂબ શક્તિ,

ફિનિક્સની જેમ રાખમાંથી બેઠા થઈ જવાનું બાકી છે !

કરવા છે હિસાબો હજી ઘણા મને,

હે મૃત્યુ ! મારે હજી ઘણાનું ઋણ અદા કરવાનું બાકી છે !