રવિવાર એ અહેસાસ
રવિવાર એ અહેસાસ
રવિવાર એ અહેસાસ જ્યાં શ્વાસને અઢળક શાંતિ મળે,
આખું અઠવાડિયું દોડધામ કર્યાનો આખરે વિજય મળે,
વહેલા ઊઠીને હાયહોય તો રહે છે સોમથી શનિ નિરંતર,
રવિવારે બસ એક દિવસ મોડું ઊઠવાનો અવસર મળે,
ઓફિસનાં યુનિફોર્મ, બુટ-સૂટથી જકડાઈ જઈએ એવા,
કે રવિવારે નાઈટડ્રેસમાં ચપલ પહેરવાનો લ્હાવો મળે,
ઊંઘતા બાળકોને મૂકી જવાનું બાળકો ઊંઘ્યે ઘરે આવે,
રવિવાર એવા પિતા-બાળકોનાં સ્નેહભેટો લઈને મળે,
આખા દિવસની ધાંધલધમાલથી આજે ઘર પણ મ્હાલે,
માણસ છે તું મશીન નથી રવિવાર એવો મંત્ર લઈને મળે.