આભાસ તારો થાય છે પ્રભુ

હર ક્ષણે હર પળે અનુભવ તારો થાય છે પ્રભુ,

નામ તારું લેતાં જ આભાસ તારો થાય છે પ્રભુ,

મારા હ્રદયમાં વાસ તારો થાય છે પ્રભુ,

હૃદયના ધબકારમાં અહેસાસ તારો થાય છે પ્રભુ,

રોજ રાત્રે સૂવડાવે છે, ઊંઘમાં સંભાળ રાખે છે પ્રભુ,

વહેલી સવારે જગાડે છે, વિશ્વાસ તારો થાય છે પ્રભુ,

ખાધું બધું પચાવે છે લોહી લાલ બનાવે છે પ્રભુ,

શક્તિ ઘણી આપે છે ભાસ તારો થાય છે પ્રભુ,

સૂર્ય ચંદ્રને ચમકાવે છે રોશની ફેલાવે છે પ્રભુ,

દિનરાત ભજન કરું છું સહવાસ તારો થાય છે પ્રભુ.