વિયોગની વેદના

અઘરી હોય છે વ્યથા વિયોગની સહેવી ઘણી,

કપરી હોય છે પીડા વિયોગની વેઠવી ઘણી.

આવતી હોય છે યાદો, સાથે વિતાવેલ ક્ષણોની,

ઊંઘ હરામ કરે છે રાતો મુશ્કેલ છે કાઢવી ઘણી.

થાય છે અશાંત મન ને બેચેન રહે છે દિલ સદા,

વેદનાઓ વિયોગની કઠીન છે જીરવવી ઘણી.

તૂટી જાય છે સ્વપ્નોના મહેલ નિરાશ થવાય છે,

વિયોગની વેદનાઓ દુષ્કર છે સમજવી ઘણી.

ધાર્યું થાય છે ધણીનું લાચાર છે આ માનવી,

અણધારી વિદાયને અઘરી છે પચાવવી ઘણી.