સાચી રીત
સાચી રીત
ઉપકાર બધા ભૂલી જવા એ તો કેવી પ્રીત છે ?
મદદ કરનારનું ભલું કરવું એ જ સાચી રીત છે,
અપકાર ઉપર અપકાર કરવો ભૂલ મોટી થાય છે,
અપરાધીને માફ કરવો એ જ સાચી રીત છે,
લાખ કરો ઉપકાર છતાં દુશ્મન બની જાય છે,
દુશ્મનને પણ પ્રેમ કરવો એ જ સાચી રીત છે,
દ્વેષ રાખે મનમાં ને ઈર્ષાળુ બની જાય છે,
વેરઝેરને ભૂલી જવાં એ જ સાચી રીત છે,
ભૂખ્યાને ભોજન આપવું મોટી સેવા ગણાય છે,
પરોપકારી જીવન જીવવું એ જ સાચી રીત છે.