સફળતા

નિષ્ફળતા મળીને ત્યારે હું મનોમન ઘણીવાર બબડી,

"પાંચે આંગળીએ પૂજેલા તોય ક્યાંય, 

નથી ફળતાં !"ને ત્યાં જ હું તો ગબડી !

લોકોનાં મહેણાં, ટોણાં ને કુવાક્યો ફગાવતી રહી,

ત્યારે જ મારી, ગાડી પાટે ચઢી, ને આગળ જતાં

સફળતાની સીડી હું ચઢી. !

મહા મહેનતે મેળવેલ સફળતાનો નશોજ

હોય છે કાંઈક ઓર,

રાતોરાત મળેલ સફળતાના ક્રમશ:

નબળા પડતાં હોય છે જોર !

ઠોકરો ખાઈને પગને પણ આંખો ફુટે છે,

અંધારી અમાસે પણ

રાહનાં કંટકોથી બચાવી સાચવીને પગ મુકે છે !

સફળતાને નિષ્ફળતા જોડે હોય છે પાક્કી ભાઈબંધી, 

હો જો નિયતથી સાફ અને હિમાલય સમઅડગ મન

તો સફળતાની છે નિષ્ફળતા થકી જ કિલ્લેબંધી !