વિવાહ

વાત પરિચયની પરિણયમાં પરિણમી,

 લો, બોલો હવે !

સહેજ સરખી હામીએ પાંપણ ઢળી

ગઈ,

લો, બોલો હવે !

હુંકારની ભાષા સજોડે હકારમાં ફેરવાઈ ગઈ,

 લો, બોલો હવે !

પરિણયના પરિણામે હું માંથી થઈ ગયાં અમે, લો, બોલો હવે !

જિંદગીના પરિમાણના આખેઆખા આયામો

બદલાઈ ગયા,

લો, બોલો હવે !

ધોધમાર વરસાદમાં ય ભિંજાતા'તા એકલા,

હવે સહેજ વાછટે ય નિતર્યા અમે,

લો, બોલો હવે !

ઝઘડાની પતાવટમાં નહીં નફા, નહીં નુકશાનને વર્યા અમે,

લો, બોલો હવે !

નાહકની ખેંચમતાણીને

છોડી એકમેકના સૂરમાં સૂર પૂરાવતા થયા અમે,

લો, બોલો હવે !

સાદનું સ્થાન હવે,

'એ સાંભળો છો' એ લીધું,

 લો, બોલો હવે !

પરિણયના પરીણામે એકમાંથી અનેકમાં વિસ્તર્યા અમે,

લો, બોલો હવે !

સપ્તપદિના એકેએક પગલે સંગસંગ

ક્ષિતિજ સુધી 

જઈશું અમે,

આશીર્વાદ આપશો હવે !