અંદાજપત્ર

મોટા મોટા અર્થશાસ્ત્રીઓ માટે, સરસ સવાલ થાય છે,

થોડી ઘણી રાજકારણની પણ કમાલ દેખાય છે,

નેતાઓ ખુશ હોય ત્યારે, પ્રજા ખુશ કેમ થાય ?

ખુરશીની ખેંચતાણમાં ગરીબો વિસરાય છે,

ગરીબી- રેખા નીચે જીવતાના, દુઃખે દુઃખી કેમ થવાય ?

કમાણી ને બચતમાં મધ્યમવર્ગીય પીસાય છે,

ધનિકોને કંઈ કદી પડ્યો ફેર, ફેરફાર કેમ નોંધાય ?

મોંઘવારી માઝા મૂકે ત્યારે હસતા મોંએ સ્વીકારાય છે,

બજેટની ગણતરી ન આવડે, શેરબજારમાં વધઘટ કેમ થાય ?

જરૂર નથી એટલા વધારે પૈસાની, છતાં અછત વરતાય છે,

 સ્વાર્થ અને ગણતરીપૂર્વકનું જીવન, પ્રશ્ન કેમ ભૂલાય ?

કહે 'વંદના' પ્રેમની મીઠાશ ને લાગણીની ઉણપ અનુભવાય છે.