શિયાળો

શિયાળામાં ઠંડી વાય

ટાઢથી થથરી જવાય

વસાણા યાદ આવી જાય

આ વાત કદી ન ભૂલાય,

સ્વેટર ટોપી ને સ્કાફ પહેરાય,

વહેલી સવારે તાપણું કરાય,

ગરમ શાલ રોજ સાથે રખાય,

કસરત કરતાં કદી ન ભૂલાય,

શીંગતલની ચીકી ખવાય,

કાળા તલનું કચરિયું ખવાય,

ગોળ મમરાનાં લાડુ ખવાય,

અડદિયા ખાતા કદી ન ભૂલાય,

જામફળ, શેરડી ને ચણીબોર ખવાય,

ખજુર, ખારીશીંગ, રેવડી મોજથી ખવાય,

ગરમ ચાની ચૂસ્કી મિત્રો સાથે પીવાય,

મિત્રોની સંગત કદી ન ભૂલાય,

બાજરીના રોટલા સાથે રીંગણનો ઓળો ખવાય,

ઘીથી લચપચતી ખીચડી સાથે ગરમ કઢી પીવાય,

માખણ ગોળ ને ડુંગળીનો દડો મૂક્કો મારીને ખવાય,

સુખડી ને મેથીપાક કદી ન ભૂલાય.