હે માનવી ! આ તો તારી કેવી છે રીત
હે માનવી ! આ તો તારી કેવી છે રીત
1 min
264
અધિકાર અધિકાર કરે સૌ કોઈ
ફરજને જાણવા માગતું નથી કોઈ
હે માનવી ! આ તો તારી કેવી છે રીત..?
બાળપણમાં હક ભોગવી લીધા અનેક
ઘડપણમાં છીનવી લીધી જવાબદારી હરેક
હે માનવી ! આ તો તારી કેવી છે રીત..?
બીજાની જવાબદારી રહેશે શબ્દશઃ યાદ
પોતે શું કરવાનું એ નથી રહેતું જરા યાદ
હે માનવી ! આ તો તારી કેવી છે રીત..?
મગજમાં ભર્યો અધિકારનો મોટો ખજાનો
એ જ મગજે શોધ્યો ફરજથી માર્ગ છટકવાનો
હે માનવી ! આ તો તારી કેવી છે રીત..?
અધિકાર અને ફરજની આ હોડમાં
ભૂલાય છે ફરજ, ફસાયા છે અધિકારમાં
હે માનવી ! આ તો તારી કેવી છે રીત..?