"બે મોંઢાનો માણસ"
"બે મોંઢાનો માણસ"
1 min
298
તારા મોંઢે તારી કરશે, ને મારા મોંઢે મારી,
બે મોંઢાનો માણસ એને, ઢોલક સાથે યારી.
વ્હાલા થઈને પ્રેમ બતાવી, વાતો પુછે સારી,
'ચુંબકીય' લાગણીઓ લઈને, આકર્ષે એ ભારી.
બે મોંઢાનો માણસ
ભોળવીને જાણીલે સઘળું, ચતુરાઈ પણ હારી,
એક-બીજાને અંગત થઈને, મુકી જશે ચિંગારી.
બે મોંઢાનો માણસ
હિતશત્રુથી દૂર જ રહિએ, તો નહિ ફાવે એની કારી,
સ્પષ્ટ કહીએ સત્ય સદાયે, કલમ કહે બેધારી.
બે મોંઢાનો માણસ
સંબંધોની શરમે ભરમે, બોલીએ બહુ વિચારી,
પણ બે મોંઢાના માણસ સાથે, ન રાખો મિત્રાચારી.
બે મોંઢાનો માણસ