કરામતની દુનિયા
કરામતની દુનિયા
સૌ કોઈ જાણે છે અહીં આંખોની ભાષા,
આ વખાણની કરામત કરી નહીં સમજાવો.
સૌ કોઈ જાણે છે અહીં મૌનની ભાષા,
આ શબ્દોની કરામત અહીં નહીં બતાવો.
સૌ કોઈ જાણે છે અહીં પ્રેમની ભાષા,
આ લાગણીની કરામત અહીં નહીં જતાવો.
સૌ કોઈ જાણે છે અહીં નફરતની ભાષા,
આ દેખાડાની કરામત અહીં નહીં અજમાવો.
સૌ કોઈ જાણે છે અહીં ભેદભાવની ભાષા,
આ પોતીકાની કરામત અહીં નહીં ફરમાવો.
સૌ કોઈ જાણે છે અહીં લાલચની ભાષા,
આ ખુશામતની કરામત કરી સમય નહીં બગાડો.