નામ વગરનો છે એ

નામ વગરનો છે એ અનમોલ નાતો, એની વાત જ શું કરવી,  

તારા ને મારા સંબંધની વાત છે અવર્ણનીય અને અવિસ્મરણીય,

ન હતી ઓળખાણ આપણી વચ્ચે પહેલાં છતાં બંધાઈ ગયું બંધન,

તારી ને મારી દોસ્તીની વાત છે અવર્ણનીય અને ખાસમખાસ,

ગુસ્સો, તકરાર ને નારાજગી હોય પણ વાત કરવાનું બંધ ન થાય,

તારા ને મારા નિ:સ્વાર્થ સંબંધની વાત છે અવર્ણનીય અને અણમોલ,

 

 જેની પાસે વણમાગ્યે જ બધાં હક આપણને મળી જતાં જ હોય,

તારી ને મારી નિખાલસ લાગણીની વાત છે અવર્ણનીય અને અતૂટ,

મતભેદો તો બધાં જ સંબંધોમાં આવે પણ એક મીઠાશ કાયમી હોય,

તારા ને મારા સ્નેહના સંબંધની વાત છે અવર્ણનીય અને લાજવાબ,

કહેવા અને લખવા માટે ઓછા પડે છે શબ્દો એવી છે આ મિત્રતા,

તારા ને મારા અમૂલ્ય બંધનની વાત છે અવર્ણનીય અને અમાપ.