પડઘો

દુનિયા આ ગોળ ગુંબજ

પડતો એમાં નીત પડઘો,

તારું છે, જો બોલ્યો તું તો

તારું તારું પડતો પડઘો,

જેવું કરતો એવું ભરતો

તારોજ તારી સામે પડઘો,

કશું નથી બસ આ દુનિયામાં

જીવે એકબીજાનો પડઘો,

પથ્થર પથ્થર રમતી દુનિયા

સામે લમણું ફોડે પડઘો,

ગીત ગાઓ તો ગીત મળે છે

તારું દર્પણ તારો પડઘો,

અંદર અંદર શું વિચારે ?

જાણે તારું બધું પડઘો,

આભ હોય કે પથ્થર પાણી

તું જેવો છે એવો પડઘો...

તું મળે હું મળું એ વહેમ

મળતો તારો મારો પડઘો.