નખરાળી આંગળી

દેખાવે સીદી-સાદી, આંગળી મારી ખૂબ નખરાળી,

નથી એ તકલાદી, આંગળી મારી ખૂબ નખરાળી.

 

ગલગલિયાં કરીને એ રડતાંને હસાવે,

પૂતળાંઓને દોરીથી કેવો નાચ નચાવે !

લાગતી એ શહેજાદી આંગળી મારી ખૂબ નખરાળી,

દેખાવે સીધી-સાદી, આંગળી મારી ખૂબ નખરાળી.

 

ભાત-ભાતની રંગોળી કરી એમાં રંગો ભરે,

વાજિંત્રો ઉપર ફરીને એ સૌનાં મન હરે,

વટથી જાણે સૌની દાદી, આંગળી મારી ખૂબ નખરાળી,

 દેખાવે સીધી-સાદી, આંગળી મારી ખૂબ નખરાળી.