નિવૃત્તિ
નિવૃત્તિ
હજી ફાંકો તો એવો જ, રોફ જેવો અમલદારનો હતો,
બસ બદલી ઘરની તકતીમાં એક ઉમેર્યો શબ્દ-"નિવૃત્ત.."!
રોફમાં હતો હું, બેઠો જ્યારે પાર્કમાં ગોઠવેલી બેન્ચ પર,
ગમે તેમ તો ઉચ્ચ સરકારી અધિકારી ભલે થયો નિવૃત્ત !
બડાશો મારી મેં મારી બાજુમાં બેઠેલા ધોળા ડગલા પર,
જુઓ આ વડલાઓનો પહેરવેશ ને મારો સરખાં નિવૃત્ત !
થાકીને બોલ્યો ધોળો ડગલો-"તું તો છે ફ્યુઝ્ડ બલ્બ ખબર ?
પ્રકાશ વગરનો બલ્બ જાય ડસ્ટબીનમાં, બસ તું એ નિવૃત્ત !"
"જો સામે બેઠું ટોળું ફ્યુઝ્ડ બલ્બોનું - એકસ આર્મી ચીફ તો કોઈ
એક્સ એમ એલ એ ને કોઈ તો ૫૦૦ કરોડ કંપનીનો મેનેજર સૌ નિવૃત્ત !"
સૂર્યાસ્ત ક્યાં પૂજાય ? પદનો વટ હશે કોઈવાર પણ હવે શું ?
કર્યો હશે સમાજને રોશન પદરુપી બલ્બથી તો ફળશે નિવૃત્તિ !