મોંઘવારી પટરાણી

કોણ આવે જાજરમાન છમકારે

વાલિડા ! દોને અમને ઓળખાણ,

રંગ રસિલી સરકારી મોંઘવારી 

રાય નવયુગની પટરાણી જ જાણ,

પાતળિયાં વ્હાલાં હતાં જ પહેલાં

ફૂલતાં એ ફૂગાવે જ રાતદિન,

જાય મોંઘાં એ દિલ્હીના દરબારે

રાહ જ જુએ ગઠબંધન મહાજન,

ના કરશો ચિંતા ખર્ચની રાણી

દેશ વિદેશો દેશે જ સોગાદ,

આર્થિક સંકટ અમે ધોઈ જ પીશું

ઝીંકશું ભાવ વધારો ત્યજી લાજ,

લોક કાળા રે ધનની રટ લગાવે

ને અમારે બેશરમી છમકછલ્લાં,

દેશ આખો રટશે જ વિકાસ ઠેલાં

વાહ ! ભોળાજી રહીશું રાજ ઘેલાં.