મન

તમારાં ઘરનાં રસ્તે જ મન વિહરતું રહ્યું,

તમને મળવાની આશમાં મન ભટકતું રહ્યું !

આ કેવી અસર ઉપજી છે તમારી જુદાઈની,

કે અસહ્ય દર્દમાં પછી તો મન તડપતું રહ્યું !

લખવા બેસું જીવનની વ્યથા તો કહી શકું,

વિશ્વાસ વગરના વહાણને મન હાંકતું રહ્યું !

સંબંધની સીમા ભેદી જવાયું નહીં એ તરફ,

મધદરિયે એ તમામ બંધનોને મન છોડતું રહ્યું !

'ઉમંગ' હજુ થોડો બાકી રાખ્યો છે એ કારણે,

નસીબ બદલાશે કદીક એવું મન માનતું રહ્યું !