વ્યાખ્યા : 52wkpm ed7-30,Sept 24

કોઈને થઈ જાય છે પ્રેમ,

તો કોઈને કરવો છે પ્રેમ;

લાલ ટપકાંની સુંદરતા ગમે,

પછી આસપાસની કાળાશ નડે;

ગાલીબો અમર કરે છે પ્રેમ,

સમય-સંજોગો બદલે પ્રેમ;

ગમતું થાય તો ગાથા પ્રેમની,

અણગમતું થાય તો મિથ્યા;

આંતરિક સુંદરતા લાગણીની,

નિરાકાર, છતાં ભાષા ભૌતિક રૂપ;

કરવો સહેલો પણ નિભાવવો કઠિન,

સરળ હોય છે પણ સમજવો કઠિન;

ઉભરો આવે પણ ને સમી પણ જાય,

સૌથી ટૂંકી ને સૌથી લાંબી આવરદા !

રોજની ક્રિયા-પ્રતિક્રિયા પ્રમાણે,

બદલાતી રહે છે વ્યાખ્યા પ્રેમની !

******************************