મા

કોખથી છૂટો પડ્યો હું રડેલો "મા" તું હસેલી.....

ગોદમાં હું રમેલો ખુબ હસેલો તુંં હસેલી !

બેસતા હું શીખેલો બોલ્યો "મા" તું રડેલી....

પા-પા પગલી પાડી ગળે બાઝી પડેલી !

ગોળ ગોળ હું ભગાવતો, હું બહુ સતાવતો !

દૂધનો પ્યાલો લઈને ગોતે હું સંતાઈ જાતો !

સ્કૂલે મૂકવા હસ્તા મુખે સજળ નૈને જોતો !

છૂટતા ગળેથી હું રડેલો વળી વળી જોતો !

મિત્રોમાં મશ્ગુલ રમતગમત ખુબ રમતો !

સ્કૂલ પતી તે સમર ખુબ ફર્યો'તો હસતો !

પપ્પાની કાર્બન-કોપી કહે હું મલકાતો !

ગર્વથી ભીની આંખો ચશ્માં લૂછતીતે જોતો !

યુનિ-માંથી આવી રડ્યો ક્રુશ હથેળી ચૂમતો !

મીઠું મોં કરાવ્યું જોબ મળી તુંં રડેલી........

લગ્ન વખતે હરખાતી ઘડી-ઘડી આંખો લુછતી !

પાગલ મનવા દિલના સંભલે કૈં ચૂમી લેતી !!

પહેલા ખોળે વધામણીએ સફેદી માથે વધતી !

ના'ની તારી ના'ના તારા કહી સંગે રમતા !

ઠુમક-ઠુમક મુજ બાળ રમાડે હું જો'તો હસતી !

દૂધનો પ્યાલો લઈને ગોતે ઘીમે ફરતી !

ગોળ ગોળ ફરી મુજ્ને જ જાણે શોધતી..!

રડતાં રડતાં યાદ કરું આજ તુંં દૂર નજરથી !!

"પાપા ના'ની" છબીને ચૂમી બાળ નજર હસતી

ક્યાંથી લાવું નાની નાના નજર રહે ખોજતી.