લખું - ૨
લખું - ૨
કવિતા લખું, ગઝલ લખું, કે પછી છંદ લખું,
જે કઈ લખું એમાં એક તને તો કાયમ જ લખું.
તારા માટે જ લખું,
પછી શું ફેર પડે, કયો પ્રકાર લખું.
તું યાદ આવી જાય છે એટલે લખું છું ?
ના,
તું એવી ભૂલ છે જે ભૂંસી-ભૂંસીને લખું તોય તને જ લખું.
તને શબ્દોમાં લખું, ને વાક્યોમાં તને જ રચું,
જ્યાં જેમ અર્થ નીકળે એમ બસ તને જ લખું.
લખી-લખીને પણ કેટલું લખું,
તું નથી વાંચવાનો, ખબર જ છે તોય તને જ લખું.
કવિતા લખું, ગઝલ લખું કે પછી છંદ લખું,
જે કઈ લખું એમાં એક તને તો કાયમ જ લખું.