અજાણી

હવે રાતો લાંબી ને વાતો ટૂંકી થઈ ગઈ,

એક ખાસ વ્યક્તિ અજાણી થઈ ગઈ,

હતી હું એનાં માટે ખાસ,

ને એ ખાસિયત ક્યાંક દફન થઈ ગઈ,

કારણ કે હું'ય એનાં માટે અજાણી થઈ ગઈ,

તું આવીશ ? કે, હું આવું ?

પર ચર્ચા સાવ બંધ થઈ ગઈ,

કારણ કે, એ ખાસ વ્યક્તિ અજાણ થઈ ગઈ,

લાગણી હતી એ ખબર નહીં ક્યાં વહી ગઈ,

કદાચ નદીમાંથી એ દરિયામાં ભળી ગઈ,

ને એટલે જ ખાસ વ્યક્તિ અજાણી થઈ ગઈ,

કાયમને માટે સાચવી રાખીશ,

એ ચક્કરમાં, ચકડોળે ચડી ગઈ,

મળી હતી ઘણાં સમય પછી

સમય વિતાવી શકાય એવી સાથીને,

એની સાથે રાતો ટૂંકી થઈ હતી,

પણ હવે,રાતો લાંબી ને વાતો ટૂંકી થઈ ગઈ,

કારણ કે, એ વ્યક્તિ અજાણી થઈ ગઈ.