કળિયુગનો માનવી
કળિયુગનો માનવી
જુઓને આ કળિયુગમાં,
અનીતિના પૈસાનો હેવાયો થયો માનવી,
ઈમાનદારીનો રસ્તો ભૂલીને,
કાળીબજાર નામનાં દલદલમાં ફસાયો માનવી,
જાત મહેનતથી પડખું ફેરીને,
ચોરબજાર અને સટ્ટામાં ઘેરાયો માનવી,
અહીંનું અહીં જ છે એ વાતથી અજાણ બનીને,
વિચાર્યા વગર પૈસા પાછળ ભાગ્યો માનવી,
કાગળની નોટોનો જાદુ તો જુઓ,
પોતાના જ સ્નેહીજનોથી બાઝ્યો માનવી,
મકાનના મોટા મોટા કમરાઓની અંદર,
જુઓને એકલો એકલો ઘૂંટાયો માનવી,
સાચો માર્ગ એ જ જાત મહેનત છે,
આ વાતને સમજવામાં ભરમાયો માનવી.