બસ આટલું ઈચ્છું છું

ક્ષણભરમાં વિખરાતા સંબંધોનાં આ યુગમાં,

હું તારો આજીવન સાથ ઈચ્છું છું,

સફેદ રંગ પાછળ ઘેલા થતા આ યુગમાં,

હું તારો આ શ્યામ રંગ ઈચ્છું છું,

પળભરનાં વાદવિવાદમાં તૂટતાં સંબંધોનાં આ યુગમાં,

હું તારા સાથેનો અતૂટ સંબંધ ઈચ્છું છું,

લેટ રિપ્લેથી ભરેલા આ યુગમાં,

હું તારો ફાસ્ટ રીપ્લાય બનવા ઈચ્છું છું,

ચામડીની ચમક પાછળ ગાંડા થતા આ યુગમાં,

હું તારો કરચલીઓવાળો હાથ ઈચ્છું છું.