સફળતા તરફ પ્રયાણ
સફળતા તરફ પ્રયાણ
ભલે આવે માર્ગમાં અડચણો અપાર,
પાર પાડી દરેક મુશ્કેલીને,
સફળતાનાં શિખરે તો ચડવું જ છે
ભલે વાગે અસંખ્ય નિષ્ફળતાઓનાં વાર,
દરેક હારમાંથી કંઈક શીખીને,
જીત તરફનો પ્રયાણ કરવો જ છે.
ભલે આવે વાંચન સમયે અવાજ જોરદાર,
થોડા સમય માટે બહેરા થઈને,
સફળતઓનો શોર મચાવો જ છે.
ભલે વાગે સગાના તાનાઓનાં માર,
મોજ શોખને એક બાજુ મૂકી,
રાત-દિવસ લગનથી મહેનત કરવી જ છે.
ભલે સમજે દુનિયા મારા શિક્ષણને
સમય વેડફનાર, સપનાંઓને સાકાર કરી,
શિક્ષણની સમર્થતાને સાબિત કરવી જ છે.