ક્યાંથી આવ્યું જીવ મજાનું

રાત્રીના અંધકારમાં ધમ્મમ દેતો આ અવાજ કેવો ?

ચોમેર પ્રસરી ઊઠેલો આ પ્રકાશ કેવો ?

કાળા માથાનો માનવી જોઈ આ દ્રશ્ય ધ્રૂજવા લાગ્યો,

ગોળ ચકરીમાંથી નીકળેલો આ જીવ કેવો ?

શરીરે લીલા રંગની ચામડીવાળો,

મોઢું લાબું મોટી મોટી આંખોવાળો,

એકીટશે નિહારવા લાગ્યો સૌને,

ઘરથી પોતાનાં જે અજાણ થયેલો,

બીજી બાજુ પૃથ્વીવાસીઓ વિચારમાં પડ્યા.

ક્યાંથી આવ્યું આ જીવ મજાનું ?

ભોજન જેનું સૂર્યપ્રકાશ છે,

મળતી શક્તિ જેને ધૂપમાંથી,

કેમ પહોંચાડવું આ જીવને એની મંઝિલે

સૌ પૃથ્વીવાસીઓ અસમંજસમાં પડ્યા !