કેમ ?

જો રહે છે મહોબ્બત...હૃદયે હૃદયે...

તો નફરતોની વસ્તી વધી કેમ રહી છે..?

મહેક આજ ગુલોની પ્રસરે બગીચે...

તો, બગાવતની બદબુ આ ક્યાંથી ઊઠી છે..?

કહે છે કે ' મૌન ' બોલકું થઈ પડે છે...તો,

અસંમતિ ના શોર કેમ ' જુવાળે ' ચઢ્યા છે..?

છે સરખા અહીં સૌ એવું ' ભણે ' છે...

પણ, લોહી છે જુદા કોણ એવું ' ચણે ' છે..?

કર્મોની કાતર આ સરખી છે કિતાબે...

પછી ' જન્નત ' જુદા છે કોણ એવું કહે છે..?

જો કહે છે આ દુનિયા વિકસતી શહેરે...

કેમ હથેળીઓ લાચાર આ ભીખની વધી છે..?

સભ્યતા આજ સુખની જો શિખરે ચઢી છે...

શીદ દુઃખોના ડુંગર ' એ ' ઘરોમાં વધ્યા છે..?

જુઓ આશિકોનો વધ્યો છે પથારો...

તો ફૂલો ચૂંથનારા કોણ આવી ચડ્યા છે..?

રહે છે આ મનમાં સ્નેહ 'સૌ'થી સવાયો...

પણ, વળતા વહેણ કેમ ' કોરા ' રહે છે..?

જો રહે છે મહોબ્બત...હૃદયે હૃદયે...

તો નફરતોની વસ્તી વધી કેમ રહી છે..?