વિસામો
વિસામો
હાસ્ય ને જરા એક મોકો દઈ દઈએ,
આ દિલને એમ જરા ધોખો દઈ દઈએ,
અમસ્તો જરા એક વિસામો લઈ લઈએ,
રમત ને રમતનો હવે મોકો દઈ દઈએ !
ઉઘડતા નિસાસાને ખો દઈ દઈએ,
ખુદના કસબ ને હવે મોકો દઈ દઈએ,
ઉઠતા તરંગોને એમ હવા દઈ દઈએ,
મહેફિલને હસીને હવે રૂખસત દઈ દઈએ !
અટકળો ને જરા વિરામ દઈ દઈએ,
સાચ ની જ્યોતને પ્રકટવા દઈ દઈએ,
ઊગે છે ચાંદ તો સૂરજ નમવા દઈ દઈએ
સમયની કળાને જરા ખીલવા દઈ દઈએ !
છીએ કેટલામાં એ તાગ લઈ લઈએ,
આવો ને જરા મુકાબલો કરી લઈએ !
આવડત ના એમ પારખાં કરી લઈએ,
હવે,મેદાનમાં જાતને જરા હંફાવી લઈએ !
હાસ્ય ને જરા એક મોકો દઈ દઈએ,
આ દિલને એમ જરા ધોખો દઈ દઈએ,
અમસ્તો જરા એક વિસામો લઈ લઈએ,
રમત ને રમતનો હવે મોકો દઈ દઈએ !