એપ્રિલ-ફૂલ

હવે કોઈ ઈચ્છાઓ બાકી નથી, મેળવ્યું છે સઘળું મેં,

કહી એવું ખુદને જ ચાલો એપ્રિલ ફૂલ બનાવી લઈએ !

આશાઓ થઈ ગઈ પૂરી ને હવે કોઈ અભરખા ક્યાં છે ?

માની એવું ખુદ મનથી એને એપ્રિલ ફૂલ બનાવી લઈએ !

પામી લીધી છે બધી સ્વપ્નવત સ્થિતિઓને સરળથી,

નથી હવે કોઈ શમણાં, દિવસ એપ્રિલ ફૂલ બનાવી લઈએ !

દોડ્યા કર્યું જે દિશાએ અવિરત એ ઈમારત સુધી પહોંચવા,

માન્યું હવે છું ગંતવ્યમાં, આતમ એપ્રિલ ફૂલ બનાવી લઈએ !

ધાર્યું હતું કે સ્પર્શી લઉં એ સ્નેહની ટોકરી રૂપમઢી ક્યારેક,

બંધ આંખે ચૂમી લલાટે, પળ એપ્રિલ ફૂલ બનાવી લઈએ !

હવે કોઈ ઈચ્છાઓ બાકી નથી, મેળવ્યું છે સઘળું મેં,

કહી એવું ખુદને જ ચાલો એપ્રિલ ફૂલ બનાવી લઈએ !