નઈ ફાવે

કોક દી જ હાય હેલો થાય છે,

જિંદગાની આમ જ વહી જાય છે.

જીવવી હતી મારે તો દરેક પળ,

આ સાવ થોડું થોડું ને,

ક્યાંક ક્યાંક મળવાનું મને નઈ ફાવે.

ખાલી આંખો જ ટકરાય છે,

ને સામે મળે તો કતરાય છે.

અડવું હતું મારે તો એના ગાલે,

આમ છેટે રહીને જ છટપટાવું અમથું,

સનમ ક્યાંથી ફા વે!

હપ્તે હપ્તે હળવા થવાય છે,

નોકરીમાં તો ભારે જ રહેવાય છે.

ભમવું હતું મારે તો આખી દુનિયા,

આ ગોઠવી ગોઠવીને જ જીવવાનું

ભલા હવે નઈ ફાવે.

ભગવાનની માયા જ માનું છું,

કે સાવ ગૂંચવાયેલા જ રહેવાય છે.

બાકી, બંદા ક્યાં કોઈમાં બંધાયા છે !

કાયાને વળગેલી આ માયાથી

વખોડવી હવે નઈ ફાવે.

કોક દી જ હાય હેલો થાય છે,

જિંદગાની આમ જ વહી જાય છે.

જીવવી હતી મારે તો દરેક પળ,

આ સાવ થોડું થોડું ને

ક્યાંક ક્યાંક મળવાનું મને નઈ ફાવે.