રણ લીલુંછમ થયું

વરસી વ્હાલમ તારા હેતની વાદળી ને,

જીવનનું રણ બની ગયું લીલુંછમ.

મળ્યો જ્યારે તારો હાથમાં હાથ,

જાણે જીવન બન્યું હરિયાળું તારે સંગાથ.

હૈયે સુર ઉઠયો તારા પ્રણયનો,

જાણે ! જીવન બની ગયું સાત સુરોનો સંગમ.

અંધકારને હરાવી જાણે ઉજાસ આવ્યો મારે દ્વાર,

જાણે ! જીવન બન્યું મારું ઝળહળતું આકાશ.

વીતી ગઈ ઋતુ વિરહની, આવી મિલનની પળ,

તારા સંગે જીવન બન્યું જાણે અદકેરું સ્વર્ગ.

તારા હેતની વાદળી વરસી વ્હાલમ,

જીવનનું રણ પણ બની ગયું લીલુંછમ.