છેતરાઈ જઇએ જરા..!

હા, ચાલો ત્યારે જરા હસી લઈએ, એવું હસીને દુઃખ દબાવી લઈએ જરા.

મૂંઝારો તો અમથોય સાથે જ છે ને? મોકળા મનને ય હવે તસ્દી દઈએ જરા.

કાલે ય હતું ને એ તો હવે આજે ય છે, દુઃખડું ગયું જ ક્યાં છે કે પોરો ખાઈએ જરા!

જગ છોડવાનું તો મારે ય છે ને તારે ય પણ, જીવવાની જીદ હવે તો કરી લઈએ જરા!

બનાવેલા જ બનાવી જાય છે આજે, બારાખડી ય ફરી ઘુંટાવી જાય છે હાથે;

ઈશ્વરને ય છોડતા નથી છેતરવાની કળામાં, શું વિસાત છે?..., છેતરાઈ જઈએ જરા!

#Shail @શૈલેષ પ્રજાપતિ