કામવાળીનો પ્રકોપ

મહેમાન જોઈને ડોળા કાઢતી આ કામવાળી,

આંગળી ના ઇશારે નચાવતી આ કામવાળી,

વધારે વાસણ જોઈને કાચનાં વાસણ ફોડતી આ કામવાળી,

કાલ નહિ આવુંની ધમકી આપી પોતાનું ધાર્યું કરાવતી આ કામવાળી,

હર મહિને ચાર છુટ્ટી રાખતી આ કામવાળી,

મહેમાન હોય ત્યારે બીમારીનું બહાનું બતાવતી આ કામવાળી,

આખો મહિનો ડરાવતી,

પણ પહેલી તારીખે એડવાન્સ પગાર લેવા ભલી ભોળી બની જતી આ કામવાળી,

વધારે કામ જોઈ ભડકતી,

સાડીનો છેડો કડે ખોસી મેદાને પડતી,

ઝાંસીની રાણી સમી લાગતી,

આ કામવાળી,

હર દિવાળીને તહેવારોમાં નવી સાડી નવું પર્સની માંગણી કરતી આ કામવાળી,

પગાર વધારી દો,

નહિ તો બીજે ચાલી જઈશ,

એવી ધમકી આપી ડરાવતી,

આ કામવાળી,

પતિ ને તો હું મારા ઇશારે નચાવું,

રોજ આંખો કાઢી એને ડરાવું,

પિયરની ધમકી આપી,

રોજ બહારથી ખાવાનું મગાવું,

પણ આ કામવાળીનાં પ્રકોપનો મને ડર લાગે,

પંદર દિવસની છુટ્ટી પર ગયેલી,

કામવાળી પાછી આવે તો,

જાણે અલ્લાઉદ્દીનનો જાદુઈ ચિરાગ મળ્યો હોય એવું લાગે,

આંગળી ના ઇશારે નચાવે આ કામવાળી,

નહિ આવુંની ધમકી આપી રોજ ડરાવે આ કામવાળી.