જતા તો નહીં રહો ને ?

ઊંચે આકાશમાં ઊડવાના સપનાઓ બતાવીને,

ક્યાંક નીચે જમીન પર બેસાડી તો નહીં દો ને ? 

આજ તમે સૌથી નજીક લાવીને મને,

કાલ ક્યાંક સૌથી દૂર છોડીને જતાં તો નહીં રહો ને મને ? 

આજ તો હંમેશા જ તમે હસાવતા રહો છો મને,

કાલ હંમેશા માટે ક્યાંક રડાવી જતા તો નહીં રહો ને મને ? 

રાધાની પ્રીત કરી મે કાના તારી સંગ આજ મે,

મીરાંની જેમ વિરહ વેદનામાં મૂકી જતા તો નહીં રહો ને તમે ?

આજનો આ ઝરમર વરસાદ આપે છે ઠંડક મને,

કાલ આ વરસાદી માહોલ ઉકળાવી તો નહીં દે ને મને ?