સ્વાર્થનું ધીમું સંગીત છે દુનિયા

માન્યું કે ક્યાંક સ્વાર્થનું ધીમું સંગીત છે દુનિયા ! 

તો નિઃસ્વાર્થ મિત્રતાનું મોટું ગીત છે મિત્રતા.

વારંવાર યાદ આવે મીઠડી કહાની

જ્યાં ભેગા મળી હસ્યા ને રડ્યા એ મીઠી લહાણી

નાનકડી યાદોનો સળવળાટ શરૂ થયોને જાણે મિત્રતાની સરવાણી વહી. 

જો હોય ઇશ્વરીય આશીર્વાદ આ મિત્રતા 

તો પ્રેમનો સાચો પર્યાય છે મિત્રતા 

અહીં ક્યાં કોઈ વાદ છે

બસ પ્રેમનો જ સંવાદ છે.

એવો તે ઋણાનુબંધ જ્યાં પડે ઓછો લોહીનો સંબંધ

ના હોય કોઈ માંગણી બસ સ્નેહ વરસતી લાગણી

મિત્રને કમળ બનાવી દેવા જ્યાં ખુદ પણ બની જાય કાદવ !

સરિતાને મળે ત્યારે ગતિ

ભળી જવાય પુષ્પમાં સુંગંધની જેમ 

મિત્ર તું એટલે જ મારા ' નેત્રમ 'નું સ્વપ્ન અને મારા મનનો મોરલો !