સફર
સફર
સવારથી સાંજ સુધી
સતત કાર્યશીલ હતી
ઘરથી ઓફિસ સુધી
પણ ક્યાંક મે જાણ્યું કે
આ સફર તો માત્ર મારો હતો.
આંખોની ભાષાથી
લખ્યા મે કાગળ અનેક
પણ વાંચનારા અંધ નીકળ્યા !
કેમ કે આ શબ્દો સ્નેહના હતા.
લઈ ટપાલ આપવા ગઈ
ટપાલ પણ પહોંચી ગઈ
પણ પાછા મારા જ સરનામે
જાણ્યું તો ખબર પડી કે
એનું સરનામું જ બદલાઈ ગયું !
બેઠી પત્ર લઈને હાથમાં
ત્યાં આવ્યો પવન એની સાથમાં
કશુંક તો કહ્યું મને એને કાનમાં
દરવાજા ખુલ્લા રાખીદે
મળવા આવું છું તને.
મનનાં ઉપવન ખૂંદીને
અનેક પ્રશ્નો થયા ફરીને,
આ ભ્રમ કે સાચે જ આવે તું ?
ત્યાં જ અટકી ગયું 'રુદન'
ફરી જોડાઈ ગઈ એજ વ્યસ્તતામાં.