મૃત્યુ પ્રસંગ

મારા સૌ નજીકના મિત્રો

જે આવ્યા હતા મારા દરેક

સારા ને નરસા પ્રસંગોમાં

હોસભેર હાજરી આપી,

ક્યાંક નિમંત્રણ હતું તો ક્યાંક 

ખુદ હું જ હતી મહેમાન તમારી !

આ જીવનની યાદગાર ક્ષણો ખૂબ માણી

સાથ તમારો હંમેશા હું પામી

જીવનની સંધ્યાએ ભાવસભર લાગણી મારી

બસ આપુ છું અગાઉથી સસ્નેહ નિમંત્રણ આપને

મળવા કદાચ હું હોય કે નહીં !

પણ આપ સૌ મારી અંતિમ વિદાય આપવા જરૂર પધારજો સાથી,

જીવનના અનેક પ્રસંગો કર્યા આયોજન સાથે

આ મૃત્યુનો પ્રસંગ કેમ કરવો વળી ?

ઘણાં અરમાનો અંતરમાં હશે બાકી 

પણ આપ આ પ્રસંગે આપની હાજરી આપી શોભા વધારો તમારી મિત્રતાની.