મૂંઝવણ
મૂંઝવણ
તું પાસે હોય તો આંખ ન મેળવી શકું,
ને જો હોય દૂર હોય તો આંખથી હું વરસ્યા કરું,
આ જોને કાના કેવી તે મનની મૂંઝવણ મેં ભાળી !
શબ્દો ના ઉચ્ચારી શકું, બસ આંખોની ભાષાથી બોલી શકું,
ક્યાં પલકરમાં પામી લઉં બધું જ
તો ક્યાંક ખુલ્લી આંખે ભાળું હું અંધારું !
આ જોને કાના કેવી તે મનની મૂંઝવણ મેં ભાળી,
શબ્દોની રમત ક્યાં મને તારી સાથે આવડી ?
બસ પ્રેમનો પર્યાય બનાવી જાણી મારી કવિતાને
યાદોના સહારે જીવવાનું કારણ પણ ક્યાં હું જાણું ?
આ જોને કાના કેવી તે મનની મૂંઝવણ મેં ભાળી,
એક અજબ ગજબની તારી ને મારી કહાની
ના આવે રાતે નીંદરું યાદોમાં તારી જાગુ સવાર થઈ જાણી,
આ જોને કાના કેવી તે મનની મૂંઝવણ મેં ભાળી,
આમ તો ક્યારેક આછેરી ઝલક મળી જતી તારી
પણ જોને આ વરસાદને પગલે ભીંજાય મારી લાગણી,
ના આવે તું ને વરસે ફરી મારી આ આંખડી,
આ જોને કાના કેવી તે મનની મૂંઝવણ મેં ભાળી.