ઉપવનમાં
ઉપવનમાં
સુખના પતંગિયા જેવું જીવન મારું ગઈ હું ઊડવા
ત્યાં આવીને રૂપ જોઈ ગયું કોઈ મસળવા,
આ તે કેવો શોરબકોર જીવન ઉપવનમાં ?
હજી તો પાંખ ફૂટી હતી ગયું તે ઊડવા
ધીમે રહીને ફસાવી એને એની જાળમાં
રાખી હથેળી બેસવા લલચાવ્યું હળવેક
આ તે કેવો શોરબકોર જીવન ઉપવનમાં ?
અંધારામાં રાખી મને પકડી ગયું એની કેદમાં
અજવાળે પણ પૂરી મને એના પાંજરે
દેખાવનો જ તો હતો કઈ ઠાઠ - માઠ અનેરો
આ તે કેવો શોરબકોર જીવન ઉપવનમાં ?
સજાવી રાખી મને જ્યાં હું ઉપયોગી લાગી
અચાનક એક દિવસ પાંખો મારી કાપી !
જ્યાં થયો સ્વાર્થ એનો પૂરો મને મારી નાખી
આ તે કેવો શોરબકોર જીવન ઉપવનમાં ?